【世界盃唔使再驚女朋友，依家港女比你想像中識做得多】
明朝有十大酷刑，依家新世代都有酷刑，施刑者正正係我女朋友......話說早排放工女朋友話膠劇開播叫我陪佢睇，發曬姣扭曬屎忽咁話裡面有好中意既男演員，本身我係咁意話好，點知發覺自己已經跌左入《警訊》既騙案裡面。
首先正常人返屋企好攰梗係想即刻訓覺，正當我差0.1mm就進入夢鄉前一秒，我女朋友一野拉我起身，叫我夾硬撐大對眼一齊煲膠劇，嘩就好似晨早比鬧鐘嘈醒，要起身準備同唔同既體味迫地鐵咁痛苦🙂雖然我成日睇睇下訓撚著左，不過次次女朋友都迫鳩我繼續睇，令到我眼前開出現人生走馬燈🤡見到自己喺中學聽書訓著，比呀sir叫名一野扎醒既時光。本來以為脫離左中學就走出地獄，由我拍拖嗰日起又on99入返去地獄，依家我寧願去擔泥賺錢或者射下精都好過喺度嘥時間。
其實如果膠劇好睇都仲可以捱落去，明明劇情畫公仔畫出腸，啲演員仲要懶係野咁問：「呀究竟係邊個呢？」，擺明挑戰觀眾極限，但我隔離條女竟然勁投入以為自己係女主角呀！！！！之後見到佢眉頭一皺......唔係呀嘛佢開始諗劇情？拿拿拿唔好呀，唔好呀，唔好嘗試用幼稚園腦去諗個兇手係邊個呀...唉，見到佢個樣就發忟憎，喂我都可以做編劇啦！但係每次我一忍唔住劇透女朋友就會大力扑我，個頭，扑到我連摸下佢企圖用扑野黎分佢心既心情都冇。
今日開始我唔使再忍，因為我要睇世界盃！為免女朋友又迫我睇膠劇，我早就呃佢話約左朋友喺出面唱k，有排唔返，實情約左成班兄弟去party room J波。可惜我黑仔到仆街，party room喺開波冇幾耐停電，就算賠返啲錢，都賠唔返我人生裡面難得開心既一日。我萬念俱灰，同兄弟喺路口道別之後返返屋企準備受死.......
「你返黎拿？今日有你最中意既葡萄牙呀！」
我見到一枱既啤酒、蝦條、花生、薯片...仲有著住葡萄牙波衫既佢......
「你做咩呀？」
「你快啲埋黎坐啦開緊波喇」
我呢刻感動到講唔到野，攬住女朋友流左幾滴男兒淚，我估唔到佢為左我準備好一切，等我仲呃佢。佢話要報答我平時陪佢煲劇，佢都想同我睇返我中意睇既野咁話😳咁抵錫既女朋友喺邊搵？睇唔睇世界盃，邊個贏左都係其次，打完車輪先講。
⚠️最後講返啲另一半睇波要點做既注意事項
先唔針對任何一個性別 唔分男仔定女仔啦
因為上次讀者反映多左女仔中意睇marvel
咁應該識睇波既女仔都為數不少😎
總之你只要做到曬以下幾項已經好好：
1. 分到邊隊打邊隊 盡量唔好同對方做敵人
2. 知道咩係越位 最緊要喺比賽緊嗰陣冇問濕9問題
3. 唔會特登喺電視前面搞搞震食玻璃
或者喺隔離係咁搞住曬求關注
4. 就算唔中意睇波都靜靜地自己搵野做
入左波一齊大叫同歡呼就得
5. 唔識足球講少句會比較好
一陣講錯會搞到另一半比人笑
6. 比賽時間幾長 你要睇住賽程黎就佢時間
唔好踢緊就話要出街
#by智障男朋友
Search